Love You Racchu First Look Poster Has Been Released After The Movie Launched by Pandit Ravishankar Guruji
 |
| Ajai Rao and Rachita Ram in Love You Racchu |
Poster without titles
 |
| Ajai Rao and Rachita Ram in Love You Racchu |
'ಕೃಷ್ಣ' ಅಜಯ್ ರಾವ್ ಮತ್ತು 'ಡಿಂಪಲ್‌ ಕ್ವೀನ್‌' ರಚಿತಾ ರಾಮ್ ಮೊದಲ ಬಾರಿಗೆ ಒಟ್ಟಿಗೆ ನಟಿಸುತ್ತಿರುವ 'ಲವ್ ಯೂ ರಚ್ಚು' ಸಿನಿಮಾಕ್ಕೆ ರವಿಶಂಕರ್ ಗುರೂಜಿ ಅವರ ಆರ್ಟ್ ಆಫ್ ಲಿವಿಂಗ್‌ನಲ್ಲಿ ಮುಹೂರ್ತ ಮಾಡಲಾಗಿದೆ.
ಹೈಲೈಟ್ಸ್‌:
- ಆರ್ಟ್ ಆಫ್ ಲಿವಿಂಗ್‌ನಲ್ಲಿ ಮುಹೂರ್ತ
- ಸಿನಿಮಾಕ್ಕೆ ಚಾಲನೆ ಕೊಟ್ಟ ರವಿಶಂಕರ್ ಗುರೂಜಿ
- ಅಜಯ್ ರಾವ್ ಬರ್ತ್‌ಡೇಗೆ ಉಡುಗೊರೆ
'ಕೃಷ್ಣ' ಅಜಯ್ ರಾವ್ ಮತ್ತು ರಚಿತಾ ರಾಮ್ ಮೊದಲ ಬಾರಿಗೆ ಒಟ್ಟಿಗೆ ನಟಿಸುತ್ತಿರುವ ಸಿನಿಮಾ 'ಲವ್ ಯೂ ರಚ್ಚು'. ಕೆಲ ದಿನಗಳ ಹಿಂದಷ್ಟೇ ಈ ಚಿತ್ರದ ಘೋಷಣೆ ಆಗಿತ್ತು. ಇದೀಗ ಅದಕ್ಕೆ ಮುಹೂರ್ತ ಕೂಡ ಮುಗಿದಿದೆ. ವಿಶೇಷವೆಂದರೆ, ಆರ್ಟ್ ಆಫ್ ಲಿವಿಂಗ್‌ನ ರವಿಶಂಕರ್ ಗುರೂಜಿ 'ಲವ್ ಯೂ ರಚ್ಚು' ಚಿತ್ರಕ್ಕೆ ಚಾಲನೆ ನೀಡಿದ್ದಾರೆ. ಇದು ಇಡೀ ತಂಡದ ಖುಷಿಯನ್ನು ಹೆಚ್ಚಿಸಿದೆ.
 |
| Love-You-Racchu-Launch-by-Ravishankar-guruji |
ಗುರೂಜಿ ಆಶೀರ್ವಾದಿಂದ ಖುಷಿ ಆಯ್ತು
ಚಿತ್ರದ ನಾಯಕಿ ರಚಿತಾ ರಾಮ್ ಮಾತನಾಡಿ, 'ಈ ಸಿನಿಮಾದ ಶೀರ್ಷಿಕೆ ಕೇಳಿದಾಗಲೇ ಖುಷಿ ಆಯ್ತು. ಇನ್ನು, ನಮ್ಮ ಸಿನಿಮಾದ ಮುಹೂರ್ತವನ್ನು ಆರ್ಟ್ ಆಫ್ ಲಿವಿಂಗ್‌ನಲ್ಲಿ ಮಾಡಿದ್ದು, ಗುರೂಜಿ ಆಶೀರ್ವಾದ ಸಿಕ್ಕಿದ್ದು ಬಹಳ ಖುಷಿ ತಂದಿದೆ. ನಾನು ಇದೇ ಮೊದಲ ಬಾರಿಗೆ ರವಿಶಂಕರ್ ಗುರೂಜಿ ಅವರನ್ನು ಭೇಟಿ ಮಾಡಿದ್ದು. ಅಜಯ್ ರಾವ್ ಅವರಿಗೆ ಜನ್ಮದಿನದ ಶುಭಾಶಯಗಳು. ಅವರಿಗೆ ತುಂಬ ಒಳ್ಳೆಯದಾಗಲಿ. ಇಡೀ ತಂಡದೊಂದಿಗೆ ಇದು ನಾನು ಮೊದಲ ಬಾರಿಗೆ ಕೆಲಸ ಮಾಡುತ್ತಿರುವುದು. ಒಂದು ಬ್ಯೂಟಿಫುಲ್ ಲವ್ ಸ್ಟೋರಿ ಇದೆ, ಸಸ್ಪೆನ್ಸ್ ಕೂಡ ಇದೆ. ನನ್ನ ಸಹಿಯೇ ಇಲ್ಲಿ ಶೀರ್ಷಿಕೆ ವಿನ್ಯಾಸ ಆಗಿದೆ. ಕಥೆ ತುಂಬ ಚೆನ್ನಾಗಿದೆ. ಇದು ದೊಡ್ಡಮಟ್ಟದಲ್ಲಿ ಹಿಟ್ ಆಗಲಿದೆ' ಎಂದರು.
ಇದು ನನಗೆ ದೊಡ್ಡ ಉಡುಗೊರೆ
'ಶೀರ್ಷಿಕೆ ಕೇಳಿದರೆ ಇದು ಲವ್ ಸ್ಟೋರಿ ಅನ್ನೋದು ಗೊತ್ತಾಗುತ್ತದೆ. ನನ್ನ ಜೋಡಿಯಾಗಿ ರಚಿತಾ ರಾಮ್ ಕಾಣಿಸಿಕೊಂಡಿದ್ದಾರೆ. ನನ್ನ ಹುಟ್ಟುಹಬ್ಬದ ದಿನ (ಜ.24) ಈ ಸಿನಿಮಾದ ಮುಹೂರ್ತ ಆಗಿರುವುದು ನನಗೆ ದೊಡ್ಡ ಉಡುಗೊರೆ ಎನ್ನಬಹುದು. ನನ್ನ ಹುಟ್ಟುಹಬ್ಬದ ಸಮಯದಲ್ಲಿ ಲಾಂಚ್ ಆದ ಮೂರನೇ ಸಿನಿಮಾ ಇದಾಗಿದೆ. ನಿರ್ಮಾಪಕ ಗುರು ದೇಶಪಾಂಡೆ ಅವರು ಬಹಳ ಅಭಿಮಾನದಿಂದ ನನ್ನ ಜನ್ಮದಿನದಂದೇ 'ಲವ್ ಯೂ ರಚ್ಚು' ಚಿತ್ರವನ್ನು ಲಾಂಚ್ ಮಾಡಿದ್ದಾರೆ. ಪೋಸ್ಟರ್‌ಗಳು ತುಂಬ ರೊಮ್ಯಾಂಟಿಕ್‌ ಆಗಿವೆ. ಹೊಸದಾಗಿ ಮದುವೆಯಾದ ಜೋಡಿ ಮಧ್ಯೆ ನಡೆಯುವ ಒಂದು ಬ್ಯೂಟಿಫುಲ್ ಕಥೆಯನ್ನು ಈ ಸಿನಿಮಾ ಹೊಂದಿದೆ. ಅದರ ಜೊತೆಗೆ ಒಂದು ಥ್ರಿಲ್ಲಿಂಗ್ ಸ್ಟೋರಿಯೂ ಕೂಡ ಸಿನಿಮಾದಲ್ಲಿ ಸಾಗುತ್ತದೆ. ಅದೇ ಕುತೂಹಲಕಾರಿ ಸಂಗತಿ' ಎನ್ನುತ್ತಾರೆ ಅಜಯ್ ರಾವ್.
ಹೊಸ ಪ್ರತಿಭೆ ಶಂಕರ ರಾಜ್‌ ಇದರ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಅವರಿಗೆ ಮೊದಲ ಸಿನಿಮಾ. ಗುರು ದೇಶಪಾಂಡೆ ನಿರ್ಮಾಣದ ಜೊತೆಗೆ ಕ್ರಿಯೇಟಿವ್ ಹೆಡ್ ಆಗಿಯೂ ಕೆಲಸ ಮಾಡಲಿದ್ದಾರೆ. ಮಣಿಕಾಂತ್ ಕದ್ರಿ ಸಂಗೀತ ನಿರ್ದೇಶನ ಇರಲಿದೆ. ಖ್ಯಾತ ನಿರ್ದೇಶಕ ಶಶಾಂಕ್ 'ಲವ್ ಯೂ ರಚ್ಚು'ಗೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ.
Stay Tuned for more..
Source: vijaykarnataka